Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты 2020-2021 оқу жылындағы мектебіміздің көптеген іс-шаралары онлайн форматында жүріп жатыр. Осыған байланысты 1-сынып оқушылары мен басқа да сыныптарға мектебіміздің музейі онлайн түрінде таныстырылып өткізілді. Бұл музейде көптеген көне заттар ауылымыздың әр үйінен жиналып, қойылған. Музейдің ең мазмұнды орны - Ұлы Отан соғысы жылдарына арналған. Мектеп музейі - оқушыларды ұрпақ сабақтастығы мен салт-дәстүр, елжандылық пен азаматтық рухында тәрбиелеу ісін көрсететін, Отанымыздың тарихи-мәдени мұрасының ажырамас бөлігі.